Ղրիմը Ռուսաստանի կազմում ներառելու ընթացակարգը կավարտվի մինչև շաբաթվա վերջ. Նարիշկին
Ուկրաինական UNIAN լրատվական գործակալության փոխանցմամբ՝ Ղրիմը Ռուսաստանի կազմում ներառելու ընթացակարգը կավարտվի մինչև շաբաթվա վերջ: Այս մասին լրագրողների հետ զրույցում հայտարարել է Ռուսաստանի Պետդումայի նախագահ Սերգեյ Նարիշկինը.
«Անկասկած է, որ Սահմանադրական դատարանը դրական վճիռ է կայացնելու: Դա Ռուսաստանի նախագահին հնարավորություն կտա օրենսդրական այդ ակտերը մտցնել Պետդումա:
Մենք ակնկալում ենք, որ դա տեղի կունենա այսօր, և մենք պատրաստ ենք ամենամոտ ժամանակներս ընդունել այդ օրենքները՝ մեր խորհրդարանական ընթացակարգին ու միջազգային իրավունքի նորմերին համնապատասխան: Մենք դա կանենք մինչև այս շաբաթվա վերջ»:
