ԵՄ-ի հետ Ասոցացման համաձայնագրի տնտեսական մասը կստորագրվի այս տարի. ԵՄ-ում Ուկրաինայի դեսպան
Ուկրաինական UNIAN լրատվական գործակալության փոխանցմամբ՝ ԵՄ-ում Ուկրաինայի ներկայացուցիչ Կոնստանտին Ելիսեևը կանխատեսել է, որ ԵՄ-ի հետ Ասոցացման համաձայնագրի տնտեսական մասը կստորագրվի մինչև ընթացիկ տարեվերջ.
«Դա կախված է երկու կողմից, սակայն ես կանխատեսում եմ, որ դա տեղի կունենա մինչև ընթացիկ տարեվերջ: Համաձայնագրի քաղաքական մասի ստորագրումը պլանավորված է մարտի 21-ին: Դրանում առկա դրույթներից մեկն առնչվում է Ուկրաինայի տարածքային ամբողջականության, անձեռնմխելիության ու սահմանների անվտանգության ապահովմանը»:
