ՌԴ Պետդուման դիտորդական խումբ է ձևավորել՝ Ղրիմ ուղարկելու համար
Ռուսական ИТАР-ТАСС լրատվական գործակալության փոխանցմամբ՝ Ռուսաստանի Պետդուման Ղրիմ է ուղարկելու 25 հոգուց բաղկացած հանձնաժողով, որը դիտարկում կանցկացնի թերակղզին Ռուսաստանին միացնելու վերաբերյալ մարտի 16-ին կայանալիք հանրապետական հանրաքվեում:
Պատվիրակության կազմում ընդգրկվել են Պետդումայում ներկայացված բոլոր չորս խմբակցությունների ներկայացուցիչները՝ պատգամավորական մանդատների հարաբերակցությամբ, իսկ պատգամավորների խումբը գլխավորել է Պետդումայի՝ ԱՊՀ-ի հարցերով միջազգային հանձնաժողովի նախագահ Լեոնիդ Սլուցկին:
Ենթադրվում է, որ պատգամավորները Ղրիմում կգտնվեն մարտի 15-17-ին:
