Դոնի Ռոստովում մեկնարկում է Վիկտոր Յանուկովիչի մամուլի ասուլիսը (ուղիղ միացում)
Russia Today հեռուստաալիքի փոխանցմամբ՝ Վիկտոր Յանուկովիչը մամուլի ասուլիս է տալիս Դոնի Ռոստովում: Յանուկովիչը լրագրողների հետ հանդիպում է «Ամետիստ» սրահում: Այս անգամ նախապես հայտարարվել է, որ նախատեսված չէ Յանուկովիչին հարցեր ուղղելը: Դա Ուկրաինայի տարածքը լքելուց հետո նրա երկրորդ հանդիպումն է լրագրողների հետ:
Նախորդ հանդիպումը տեղի էր ունեցել փետրվարի 28-ին, դարձյալ Դոնի Ռոստովում: Այդ հանդիպմանը մասնակցել էր մոտ 200 լրագրող, որոնք ներկայացրել էին Ռուսաստանը, Ուկրաինան և այլ երկրներ: Չնայած դրան՝ իրենց հարցերը Յանուկովիչին կարողացել են ուղղել միայն 20 լրագրողներ:
