ԱՄՆ-ում գիտեն, թե ինչպես նվազեցնել ռուսական գազից Ուկրաինայի ունեցած կախվածությունը
![](https://168.am/wp-content/uploads/2014/03/1392269590-6502-senat-ssha-foto-reuters.jpg)
Fox News հեռուստաալիքի փոխանցմամբ՝ ԱՄՆ-ի Հանրապետական կուսակցության ազդեցիկ ներկայացուցիչները նախագահ Բարաք Օբամային կոչ են արել վերացնել բյուրոկրատական արգելքները, որոնք խոչընդտում են ԱՄՆ-ի առանցքային գործընկերներին ամերիկյան հեղուկացված գազ մատակարարելուն:
Հանրապետականների կարծիքով՝ սահմանափակումների վերացումը կնպաստի ռուսական գազից Ուկրաինայի ունեցած կախվածության նվազմանը: Հետևաբար դա կնվազեցնի Ռուսաստանի ազդեցությունը Եվրոպայում: Հանրապետականները հայտարարել են, որ տվյալ միջոցն ԱՄՆ-ին այժմ անհրաժեշտ է ավելի, քան՝ երբևէ:
Ռուսական «Գազպրոմը» արդեն հայտարարել է, որ չեղյալ է հայտարարել նախորդ տարեվերջին Ուկրաինայի համար արած գազային խոշոր զեղչը: