Ուկրաինայում բողոքի զանգվածային ակցիաների ժամանակ զոհվածների քանակը հասել է 99-ի

Ուկրաինական UNIAN լրատվական գործակալության փոխանցմամբ՝ 2013 թվականի նոյեմբերի 30-ից Ուկրաինայում ցուցարարների ու ոստիկանության միջև բախումների ընթացքում զոհվածների ու մահացածների քանակը հասել է 99-ի: Այս մասին հայտնել է Ուկրաինայի առողջապահությաննախարարության մամուլի ծառայությունը:

Վերջինիս հաղորդմամբ՝ զոհերի այդ քանակը գրանցվել է ողջ Ուկրաինայում՝ Կիևում ու շրջաններում: Փետրվարի 18-ից ցայսօր Կիևի կենտրոնում բախումների հետևանքով բժիշկների օգնությանն է դիմել 1039 տուժած, որից 676-ին հոսպիտալացրել են: Այսօրվա դրությամբ Կիևի բուժհիմնարկներում դեռ շարունակում է բուժում ստանալ 210 մարդ: