Բուրջանաձեն պահանջել է Վրաստանում անցկացնել վաղաժամ խորհրդարանական ընտրություններ
Ռուսական Regnum լրատվական գործակալության փոխանցմամբ՝ Վրաստանի խորհրդարանի նախկին նախագահ, «Դեմոկրատական շարժում» կուսակցության առաջնորդ Նինո Բուրջանաձեն պահանջել է անցկացնել վաղաժամ խորհրդարանական ընտրություններ:
Երեկվա ճեպազրույցի ժամանակ Բուրջանաձեն հայտարարել է, որ երկրում արդարություն հաստատելու և երկիրը զարգացման ճիշտ ուղով տանելու միակ ելքը վաղաժամ խորհրդարանական ընտրությունների անցկացումն է: Բուրջանաձեի կարծիքով՝ դա վերջ կդնի «Միասնական ազգային շարժում» կուսակցության հանցավոր գործունեությունը:
Բուրջանաձեն կարծում է, որ երեկ Վանո Մերաբիշվիլիի մասնակցությամբ սոցցանցերում տարածում գտած տեսանյութը հերթական անգամ ի ցույց դրեց, որ «Միասնական ազգային շարժում» կուսակցությունը եղել է հանցավոր կառույց:
Բուրջանաձեն ընդգծել է, որ այդ կառույցի անունից Վրաստանում իշխել է ոչ թե քաղաքական ուժ, այլ՝ «ահաբեկչական միավոր», որը մշտապես օրենք է խախտել ու ոտնահարել է տարրական արժեքները:
Բուրջանաձեն հայտարարել է, որ «Միասնական ազգային շարժում» կուսակցության անդամները չեն կարող գտնվել խորհրդարանում և նրանում կազմել խորհրդարանական փոքրամասնություն:
