Թուրքիան գազն ամենաթանկ գնով գնում է Իրանից, իսկ ամենաէժան գնով՝ Ադրբեջանից
Թուրքական Zaman թերթի փոխանցմամբ՝ Թուրքիան իր երեք հիմնական գազամատակարարներից (Ռուսաստան, Իրան, Ադրբեջան) գազն ամենաէժան գնով ձեռք է բերում Ադրբեջանից, իսկ ամենաթանկ գնով՝ Իրանից:
Թուրքիան հազար խորանարդ մետր գազի համար Ադրբեջանին վճարում է 335 դոլար, մինչդեռ նույն քանակի գազի համար նա Իրանին վճարում է 490 դոլար: Ռուսական գազի պարագայում այդ ցուցանիշը կազմում է 425 դոլար:
Ակնկալվում է, որ Իրանում գտնվող Թուրքիայի վարչապետ Ռեջեփ Էրդողանը բարձրացնելու է իրանական գազի գինը զեղչելու հարցը, քանի որ այն շուկայական գնից շատ ավելի բարձր է: Ավելի վաղ թուրքական կողմը տվյալ հարցով դիմել էր Միջազգային միջնորդ դատարան:
