«Բերկուտը» ծաղրում է «Եվրամայդանի» ակտիվիստին (տեսանյութ)
Ուկրաինական UNIAN լրատվական գործակալության փոխանցմամբ՝ համացանցում հայտնվել է նոր տեսանյութ, որում երևում է, թե ինչպես են «Բերկուտի» անդամները ծաղրում «Եվրամայդանի» ակտիվիստ Սերգեյ Գավրիլյուկին: Ավելի վաղ համացանցում հայտնվել էր մի տեսանյութ, որում պատկերված էր, թե ինչպես են «Բերկուտի» անդամները ծաղրում ակտիվիստներից մեկին:
Նրանք սառը եղանակին մերկացրել էին ակտիվիստին և ստիպել կանգնել կացինը ձեռքին պահած վիճակում, ինչից հետո մի քանի անգամ լուսանկարել էին նրան: Ուկրաինայի ՆԳՆ-ը ներողություն էր խնդրել այդ ամենի համար: Տվյալ տեսանյութը համացանցում տեղադրած ոստիկանը գործակալությանը հայտնել է, որ դրանից հետո հարկադրված է եղել փախչել երկրից՝ ազատվելու համար իր գործընկերների հետապնդումներից:
