Ուկրաինացի իրավապահները ծաղրել ու ստորացրել են ձերբակալված ակտիվիստին (տեսանյութ)
Համացանցում հունվարի 23-ին տեսանյութ է հայտնվել, որտեղ ուկրաինացի իրավապահները ծաղրում են բոլորովին մերկ տղամարդու, հաղորդում է Корреспондент.net-ը:
Տեսանյութում համազգեստով անձինք ստորացնում են տղամարդուն, բջջայինով լուսանկարվում նրա հետ: Տղամարդու մարմնի վրա նկատելի են նաեւ կապտուկներ ու վերքեր: Հստակ հայտնի չէ` երբ, որտեղ եւ ում կողմից է կատարվել նկարահանումը: Տեսանյութում հնչող զրույցներից կարելի է ենթադրել, որ տղամարդը, հավանաբար, Եվրամայդանի ձերբակալված ակտիվիստներից է: Իրավապահների համազգեստների վրա առկա է «міліція» գրառումը:
Միաժամանակ, 5-րդ հեռուստաալիքի հաղորդավարը, ուղիղ եթերում հայտարարել է, որ տեսանյութում հատուկ նշանակության ջոկատի` «Բերկուտ»- ի աշխատակիցներ են: Տեսանյութի մասին հայտնի է նաեւ Ուկրաինայի ՆԳ նախարարությանը: Այնտեղից արդեն հայտնել եմ, որ տեսանյութում արձանագրվածն անընդունելի է, եւ ոստիկանությունը տվյալ փաստով սեփական հետաքննությունը կանցկացնի:
