Սեյրան Օհանյան. Սահմանամերձ գյուղում վիրավորված 16-ամյա աղջիկը հրամանատարի դուստրն է
Երեկ Տավուշի մարզի սահմանամերձ Այգեպար և Ներքին Կարմրաղբյուր գյուղերում հնչած հակառակորդի կրակոցներից վիրավորված 16-ամյա աղջիկը գումարտակի հրամանատարի աղջիկ է: Այս մասին այսօր լրագրողների հետ հանդիպման ընթացքում ասաց ՀՀ պաշտպանության նախարար Սեյրան Օհանյանը:
Հիշեցնենք, որ երեկ հակառակորդը կրակել էր Տավուշի մարզի սահմանամերձ Այգեպար և Ներքին Կարմրաղբյուր գյուղերի ուղղությամբ: 16-ամյա աղջիկը հրազենային վիրավորում էր ստացել տանը նստած: Սեյրան Օհանյանն ասաց, որ աշխատանք են տանում սահմանամերձ բնակավայրերի անվտանգությունն ապահովելու համար:
