ՆԱՏՕ-ն ու ՌԴ-ը կհամագործակցեն Սոչիի օլիմպիական խաղերի անվտանգության ապահովման հարցում
Ռուսական Интерфакс լրատվական գործակալության փոխանցմամբ՝ Ռուսաստանի պաշտպանության նախարարի առաջին տեղակալ, բանակի գեներալ Վալերի Գերասիմովը և Եվրոպայում ՆԱՏՕ-ի միացյալ զինված ուժերի գերագույն գլխավոր հրամանատար, ամերիկացի գեներալ Ֆիլիպ Բրիդլավը պայմանավորվել են Սոչիի օլիմպիական խաղերի անվտանգության ապահովման հարցում տեղեկատվության փոխանակման ու հնարավոր փոխգործակցության շուրջ:
Բրիդլավի խոսքերով՝ Ռուսաստանն ու բազում երկրներ խորհրդակցություններ են անցկացնում առաջիկա օլիմպիական խաղերի վերաբերյալ: Նա հավելել է, որ դրանց արդյունքներով ձեռք են բերվել մի շարք պայմանավորվածություններ՝ ընդգծելով, որ չի կարող մանրամասնել դրանց կոնկրետ բովանդակությունը: Գեներալը հավելել է, որ օլիմպիական խաղերի անվտանգության ապահովման հարցում իրենք համագործակցելու են Ռուսաստանի հետ:
