էդվարդ Նալբանդյանը երեկ սկանդալային հայտարարություն է արել. «Ժողովուրդ»
«Ժողովուրդը» գրում է. ՀՀ ԱԳ նախարար էդվարդ Նալբանդյանը երեկ սկանդալային հայտարարություն է արել։ Լրագրողները նրանից մեկնաբանություններ են խնդրել աշխարհահռչակ հայ շանսոնյե, Շվեյցարիայում ՀՀ դեսպան Շառլ Ազնավուրի հնչեցրած մտահոգությունների և քննադատությունների մասին։ «Ես խորը ակնածանքով եմ խոսում նրա մասին։ Մենք միասին ճանապարհորդել ենք, հիմա էլ շփվում ենք։ Շառլ Ազնավուրի բոլոր մտահոգությունները ճիշտ են ու իմաստուն, պետք է հարգանքով վերաբերվել այդ մարդու ասածներին»,–նշել է Նալբանդյանը։ «Ժողովուրդը» հիշեցնում է, որ Ազնավուրը խոսել Էր Հայաստանում հաստատված մաֆիայի մասին, ահազանգել արտագաղթի տեմպերի վերաբերյալ, ընդ որում բավական սուր արտահայտություններով։
Կարդացեք «Ժողովուրդի» այսօրվա համարում
