Հայաստանաբնակ եզդիները արտագաղթում են
«Ժողովուրդը» գրում է. Հայաստանաբնակ եզդիներն արագ տեմպերով արտագաղթում են: Եթե նախկինում նրանք երկիրը լքում էին աշխատանք չունենալու, սոցիալական վատ պայմանների պատճառով ապա հիմա այս խնդիրներին գումարվել են նաև կոմունալ բարձր վարձավճարները:
ՀՀ եզդիների միության նախագահ Ազիզ Թամոյանը «Ժողովուրդի» հետ զրույցում ասել է, որ իր հայրենակիցներն աշխատանք չունեն, որպեսզի իրենց ընտանիքը կերակրեն. «Ոչ միայն եզդիները, այլև հայերն էլ սոցիալապես վատ պայմաններում են ապրում: Այսօր Հայաստանում բնակվող եզդիների թիվն ուղիղ կեսով կրճատվել է: Գնում են: Սրան նպաստեցին նաև վերջին՝ էլեկտրաէներգիայի, գազի սակագների բարձրացումները: Մարդիկ չեն կարողանում գոյատևել: Մի կտոր հա՞ց ստեղծեն, անասունների համար անասնակե՛ր գնեն, թե՛ կոմունալ վարձերը վճարեն»,-ասել է թերթի զրուցակիցը:
Կարդացեք «Ժողովուրդի» այսօրվա համարում:
