ՆԱՏՕ-ն ու Ադբեջանը քննարկել են երկխոսության ու համագործակցության խորացման հարցը
Ադրբեջանական APA լրատվական գործակալության փոխանցմամբ՝ ՆԱՏՕ-ի գլխավոր քարտուղար Անդերս Ֆոգ Ռասմուսենն այսօր Բրյուսելում հանդիպել է Ադրբեջանի նախագահ Իլհամ Ալիևի հետ:
Հանդիպումից հետո կազմակերպված համատեղ մամուլի ասուլիսի ժամանակ Ռասմուսենը կարևորել է Ադրբեջանում բարեփոխումների իրագործումը և ՆԱՏՕ-ի ու Ադրբեջանի միջև երկխոսության ու համագործակցության խորացումը:
Ռասմուսենը հայտարարել է, որ Ալիևի հետ քննարկել է ՆԱՏՕ-Ադրբեջան ձևաչափով համագործակցության ամրապնդման եղանակները, ինչը վերաբերում է նաև քաղաքական երկխոսության խորացմանը: Ռասմուսենն ընդգծել է, որ ՆԱՏՕ-ն բարձր է գնահատում Աֆղանստանի հարցում Ադրբեջանի ցուցաբերած աջակցությունը:
