Հայտարարում եմ, որ հրապարակվածն իրականության հետ որևէ կապ չունի. Թևան Պողոսյան
Թևան Պողոսյանը հերքում է իր՝ պաշտոն ստանալու մասին տեղեկությունները
ԱԺ «Ժառանգություն» խմբակցության պատգամավոր Թևան Պողոսյանը հերքել է տեղեկությունները, թե ինքը շուտով պաշտոն է ստանալու:
«Հայկական Ժամանակն» այսօր «ասում են» ձևաչափով «տեղեկատվություն» է տարածել այն մասին, թե ես իբր հայտարարել եմ պատգամավորական մանդատը վայր դնելու մասին այն պատճառով, որ պաշտոն եմ ստանալու: Հայտարարում եմ, որ հրապարակվածն իրականության հետ որևէ կապ չունի, կարծում եմ՝ նաև տրամաբանության: Խնդրում եմ իմ սիրելի լրատվամիջոցի հարգելի գործընկերներին հնարավորության դեպքում հերքել այս «տեղեկատվությունը»,- իր ֆեյսուքյան էջում գրել է Թևան Պողոսյանը:
