Թուրքական լիրայի փոխարժեքը ռեկորդային անկում է ապրել
![](https://168.am/wp-content/uploads/2014/01/download-2.jpg)
Թուրքական Hürriyet Daily News թերթի փոխանցմամբ՝ այսօր թուրքական լիրայի փոխարժեքը նվազել է մինչև ռեկորդային նշաձողի՝ դոլարի հետ հարաբերակցությամբ: Օրվա սկզբին մեկ դոլարն արժեցել է 2.18 թուրքական լիրա, սակայն օրվա ընթացքում թուրքական լիրայի փոխարժեքը նվազել է մինչև 2.1965-ի:
Լիրայի փոխարժեքի անկմանը նախորդել է Թուրքիայի ընթացիկ հաշվի դեֆիցիտի մասին երկրի Կենտրոնական բանկի կողմից տվյալներ հրապարակելը: Դրանց համաձայն, դեֆիցիտը 2.9 միլիարդ դոլարից (նախորդ տարվա նոյեմբեր) աճել է մինչև 3.9 միլիարդ դոլարի (դեկտեմբեր):
Տնտեսական գործոններից բացի, թուրքական լիրայի փոխարժեքի վրա շարունակում է բացասաբար ազդել Թուրքիան ցնցած կոռուպցիոն սկանդալը, որը արդեն իսկ հանգեցրել է բազմաթիվ պաշտոնաթողությունների կառավարությունում, ոստիկանությունում ու դատախազությունում: