Ամերիկացիների գրեթե կեսը չի սատարում երկրի գլխավոր քաղաքական ուժերին. հարցում
«Գելափ» ինստիտուտի վերջին հարցումների արդյունքներով` ամերիկացիների 42%-ը քաղաքական հայացքների հարցում իրեն անկախ է համարում եւ չի սատարում ոչ հանրապետականներին, ոչ էլ դեմոկրատներին:
Հարցվածների 25% -ն իրենց համարել են հանրապետական կուսակցության համակիր: Նշվում է, որ սա վերջին 25 տարվա ընթացքում ամենացածր ցուցանիշն է: 31% -ն ասել է, որ աջակցում է դեմոկրատներին: Համեմատության համար նշվում է, որ 2008 թ-ին դեմոկրատներին աջակցել է 36%-ը: Վերլուծաբանների կարծիքով` «անկախների» թիվն աճել է ի հաշիվ հանրապետականների նախկին աջակիցների:
