2014 թվականին Ուկրաինայում կարող է տեղի ունենալ իշխանափոխություն. Վիտալի Կլիչկո
ZN.UA-ի փոխանցմամբ՝ Գերագույն ռադայում «ՈՒԴԱՌ» խմբակցության նախագահ Վիտալի Կլիչկոն չի բացառում, որ 2014 թվականին Ուկրաինայում կարող է տեղի ունենալ իշխանափոխություն: Այս մասին նա հայտարարել է «5-րդ ալիք» հեռուստաալիքին տված հարցազրույցում.
«Ես չեմ բացառում դա: Եթե իշխանությունները հետագայում էլ ցույց տան, որ չեն լսում մարդկանց, որ ոչինչ տեղի չի ունենում, ապա իշխանափոխությունը կարող է տեղի ունենալ արդեն այս տարի: Իշխանությունների դեմ «Եվրամայդանի» ակցիաներն արդյունավետ են:
Ուկրաինացիները՝ բոլորը միասին, անկախ շրջաններից, դուրս են գալիս ու ասում, որ պահանջում են ապրել այլ կանոններով, որ իրենք ցանկանում են բնակվել այլ երկրում: Այն, որ մենք դուրս ենք եկել և բաց հայտարարել ենք այդ մասին, արդեն իսկ ձեռքբերում է»:
Կլիչկոն նաև հաստատել է, որ մտադիր է առաջադրվել Ուկրաինայի նախագահական ընտրություններում: Կլիչկոն վստահություն է հայտնել, որ անհրաժեշտ է պատասխանատվություն ստանձնել, առաջադրանքներ վերցնել ու աշխատել:
