Հնդկաստանը փորձարկել է միջուկային մարտագլխիկ կրելու ունակ հրթիռ
Zee News-ի փոխանցմամբ՝ Հնդկաստանի զինված ուժերն այսօր հաջողությամբ փորձարկել են Prithvi II բալիստիկ հրթիռը: Դա վերջին երկու ամսում այդ տիպի հրթիռի արդեն երրորդ փորձարկումն է: Հրթիռն արձակվել է Հնդկաստանի արևելյան Օրիսա նահանգում գտնվող Չանդիպուր զորավարժարանից:
Վերջինիս տնօրեն Մ. Պրասադը հայտարարել է, որ հրթիռի արձակումը հաջողվել է 100 տոկոսով: Prithvi II հրթիռը Հնդկաստանի զինված ուժերի սպառազինության տակ հայտնվել է 2003 թվականին: Այն ունակ է կրել 500-1000 կիլոգրամ քաշով մարտագլխիկ, հրթիռի հեռահարությունը կազմում է 350 կիլոմետր:
