Լավրովի ու Քերիի հանդիպումը տեղի է ունենալու հունվարի 13-ին. աղբյուր
Ռուսական Интерфакс լրատվական գործակալության փոխանցմամբ՝ ակնկալվում է, որ Ռուսաստանի արտգործնախարար Սերգեյ Լավրովն ԱՄՆ պետքարտուղար Ջոն Քերիի հետ հանդիպելու է հունվարի 13-ին: Այդ հանդիպումը տեղի կունենա հունվարի 22-ին պլանավորված Սիրիայի վերաբերյալ «Ժնև 2» կոնֆերանսի շեմին:
Այս մասին հայտնել է ՌԴ ԱԳՆ-ում գործակալության աղբյուրը: Վերջինիս խոսքերով՝ Լավրովի ու Քերիի հանդիպումը պլանավորված է Փարիզում: Ավելի վաղ ՄԱԿ-ի գլխավոր քարտուղար Բան Կի Մունը հայտարարել էր, որ Քերիի ու Լավրովի հանդիպումը տեղի է ունենալու հունվարի 13-ին և միտված է լինելու է «Ժնև 2» կոնֆերանսի նախապատրաստմանը:
