The Financial Times-ը պարզել է Չինաստանին ռուսական գազի մատակարարման արժեքը
Բրիտանական The Financial Times թերթի փոխանցմամբ՝ Չինաստանին ռուսական գազի մատակարարման արժեքը կարող է մեկ միլիոն բրիտանական ջերմային միավորի (BTU) համար կազմել մոտ 13 դոլար, իսկ Ռուսաստանի ու Չինաստանի սահմանին՝ 10-11 դոլար:
Այս մասին թերթին հայտնել են նրա անանուն աղբյուրները: Նշված թվերը համարժեք են հազար խորանարդ մետր գազի դիմաց համապատասխանաբար 468 և 360-400 դոլարի: Աղբյուրները հայտնել են, որ կողմերը պետք է մոտ ժամանակներս վերջնականապես պայմանավորվեն վառելիքի գնի շուրջ:
2013 թվականի սեպտեմբերին հայտնի դարձավ, որ «Գազպրոմը» և China National Petroleum Corporation (CNPC) համաձայնեցրել են Ռուսաստանից Չինաստանի գազի մատակարարման հիմնական պայմանները, ինչը տեղի ունեցավ մի քանի տարվա բանակցություններից հետո: Սակայն այն ժամանակ չէր հաղորդվել չինական կողմին մատակարարվելիք ռուսական գազի գնի մասին:
