Իրանը հուսով է նոր ատոմակայանների կառուցման ոլորտում համագործակցել Ճապոնիայի հետ
Ճապոնական NHK հեռուստաալիքին տված հարցազրույցի ժամանակ Իրանի փոխարտգործնախարար Աբբաս Արաղչին հայտարարել է, որ Իրանը հետաքրքրություն է ցուցաբերում խաղաղ ատոմի ոլորտում ճապոնական տեխնոլոգիաների նկատմամբ և հուսով է տվյալ ոլորտում համագործակցել Տոկիոյի հետ:
Արաղչիի խոսքերով՝ Ճապոնիան տիրապետում է ատոմային էներգիայի ոլորտի առավել կատարյալ տեխնոլոգիաների և դրանք արտահանում է արտասահման: Արաղչին հավելել է, որ կան լավ հեռանկարներ, որ Իրանն ու Ճապոնիան համագործակցեն (իրանական նոր ատոմակայանների) կառուցման ոլորտում:
Արաղչին ընդգծել է, որ ատոմային ոլորտում համագործակցելու թեման կհանդիսանա մոտ ապագայում Թեհրանի ու Տոկիոյի միջև երկկողմ շփումների գլխավոր թեմաներից մեկը:
