Սիրիական Ազգային դաշինքի շարքերը լքել է մոտ 40 անդամ
Sky News Arabya հեռուստաալիքի փոխանցմամբ՝ Ստամբուլում բազավորված Սիրիայի ընդդիմադիր ու հեղափոխական ուժերի Ազգային դաշինքի մոտ 40 անդամ հայտարարել է կառույցից դուրս գալու մասին: Ազգային դաշինքի շարքերում պառակտման պատճառ է հանդիսացել է «Ժնև 2» առաջիկա կոնֆերանսին մասնակցելու հարցը:
Դաշինքը որոշել է լքել միանգամից վեց բլոկ, ինչպես նաև առանձին անկախ անդամներ: Նշվում է, որ ՄԱԿ-ի գլխավոր քարտուղար Բան Կի Մունը Ժնևյան կոնֆերանսի հրավերներն այսօր ուղարկելու է հասցեատերերին: Մասնակիցների ցուցակը հստակեցվել է նախորդ տարվա դեկտեմբերի 20-ին՝ ԱՄՆ-ի, Ռուսաստանի ու ՄԱԿ-ի եռակողմ հանդիպման ժամանակ:
