ԱՄՆ-ը դադարեցրել է Թուրքիայի տարածքով սիրիական ընդդիմությանը ոչ մահաբեր ռազմական օգնության մատակարարումները
Ռուսական ИТАР-ТАСС լրատվական գործակալության փոխանցմամբ՝ ԱՄՆ-ը դադարեցրել է Թուրքիայի տարածքով Սիրիայի հյուսիսում ամրացած ընդդիմադիր ջոկատներին ոչ մահաբեր ռազմական օգնության ցուցաբերումը: Այս մասին այսօր հայտարարել է Թուրքիայում ԱՄՆ դեսպանատան ներկայացուցիչը:
Վերջինիս խոսքերով՝ նման որոշում է կայացվել այն բանից հետո, ինչ «Իսլամական ճակատը» զավթել է Թուրքիային սահմանակից Բաբ էլ-Խաուա շրջանում գտնվող Սիրիական ազատ բանակի բարձրագույն ռազմական խորհրդի շտաբ-բնակարաններն ու պահեստները: Դրանից հետո Թուրքիան փակել է տվյալ հատվածում գտնվող «Ջիլվեգյոզուի» սահմանային անցակետը:
