Հորդանանը ՄԱԿ ԱԽ-ում զբաղեցրել է Սաուդյան Արաբիայի տեղը
France-Presse լրատվական գործակալության փոխանցմամբ` Հորդանանը զբաղեցրել է ՄԱԿ ԱԽ-ի ժամանակավոր անդամի տեղը, որից ոչ վաղ անցյալում հրաժարվել էր Սաուդյան Արաբիան: ՄԱԿ ԱԽ-ին ժամանակավոր անդամակցելու հարցում Հորդանանի օգտին քվեարկել է ՄԱԿ ԳԱ-ի 193 անդամներից 178-ը: Հորդանանը ՄԱԿ ԱԽ-ի կազմում կգտնվի երկու տարով` սկսած 2014 թվականի հունվարի 1-ից:
ՄԱԿ ԳԱ-ն Սաուդյան Արաբիային ՄԱԿ ԱԽ-ի ժամանակավոր անդամ էր ընտրել հոկտեմբերի 17-ին: Սաուդյան Արաբիան ՄԱԿ ԱԽ-ին մեղադրել էր երկակի ստանդարտների մեջ և հայտաարել էր, որ ՄԱԿ ԱԽ-ն ի վիճակի չէ կանգնեցնել պատերազմներն ու կարգավորել հակամարտությունները:
