Ադրբեջանում մեկնարկել են զրահապատ հետախուզական մարտական մեքենայի փորձարկումները
Ադրբեջանական APA լրատվական գործակալության փոխանցմամբ՝ մեկնարկել են զրահապատ հետախուզական մարտական մեքենայի առաջին նմուշի փորձարկումները: Այն ստեղծել են Ադրբեջանի պաշտպանական արդյունաբերության նախարարության ինժեներներն ու գիտնականները:
Այս մասին հայտնել են ռազմական աղբյուրները: Ելնելով փորձարկումների արդյունքներից՝ հետագայում իրականացվելու է մեքենայի կատարելագործում: Նախորդ փորձարկումների ժամանակ մեքենան ցուցաբերել է բարձր մանևրայնություն ու անցունակություն:
Մեքենան առաջին անգամ հասարակությանը ներկայացվել է սեպտեմբերին: Մեքենայի ղեկավարման համակարգն ավտոմատացված է:
