Իրակլի Ալասանիան վաղը պաշտոնական այցով կմեկնի Իսրայել
Новости-Грузия լրատվական գործակալության փոխանցմամբ՝ Վրաստանի պաշտպանության նախարար Իրակլի Ալասանիան վաղը երկօրյա պաշտոնական այցով մեկնելու է Իսրայել, ուր և հանդիպելու է իր իսրայելցի գործընկեր Մոշե Յաալոնի հետ: Այս մասին հայտնել է Վրաստանի ՊՆ-ի մամլո ծառայության ներկայացուցիչը:
Վերջինիս խոսքերով՝ ներկայումս հստակեցվում է Ալասանիայի իսրայելական այցի (դեկտեմբերի 7-8) ծրագիրը: Ենթադրվում է, որ այցի մանրամասները հայտնի կդառնան երեկոյան: Նա հավելել է, որ իսրայելական այցի շրջանակներում Ալասանիան մի շարք հանդիպումներ է անցկացնելու Իսրայելի իշխանությունների ներկայացուցիչների հետ:
