ԵԱՀԿ-ն փաստացիորեն դադարեցնում է իր գործունեությունն Ադրբեջանում
Haqqin.az-ի փոխանցմամբ՝ 2014 թվականի հունվարի 1-ից փոխվելու է Բաքվում ԵԱՀԿ-ի գրասենյակի կարգավիճակը: Գրասենյակը շարունակելու է գործել, սակայն որպես նախագծերի կոորդինատոր: Այս մասին այսօր լրագրողների հետ զրույցում հայտարարել է ԵԱՀԿ Բաքվի գրասենյակի ղեկավար Կորայ Տարգայը:
Վերջինիս խոսքերով՝ այդ որոշումն ընդունվել է հուլիսի 26-ին ԵԱՀԿ Մշտական խորհրդում: Այս տարեսկզբին Ադրբեջանը դիմել էր ԵԱՀԿ-ին՝ կապված Բաքվում նրա գրասենյակի կարգավիճակը մինչև Նախագծերի կոորդինատորի մակարդակի նվազեցնելու հետ: Նույն թվականի հուլիսին էլ ԵԱՀԿ Մշտական խորհուրդն ընդունել է համապատասխան որոշում:
