Իրանն ու Թուրքիան ունեն ընդհանուր հայացքներ տարածաշրջանային խնդիրների նկատմամբ. Զարիֆ
Իրանական IRNA լրատվական գործակալության փոխանցմամբ` Իրանի արտգործնախարար Մոհամմադ Ջավադ Զարիֆն իր թուրքական այցի շրջանակներում հանդիպել է այդ երկրի վարչապետ Ռեջեփ Էրդողանի հետ: Հանդիպման ժամանակ կողմերը քննարկել են փոխադարձ հետաքրքրության կենտրոնում ընկած հարցեր:
Էրդողանի հետ հանդիպումից հետո Զարիֆը հայտարարել է, որ Իրանն ու Թուրքիան ունեն ընդհանուր հայացքներ տարածաշրջանային ու միջազգային խնդիրների նկատմամբ: Զարիֆն ընդգծել է, որ հանդիպումն անցել է դրական մթնոլորտում:
