Եգիպտոսում կալանավորվել է «Մուսուլման եղբայրներ» շարժման առաջնորդներից մեկը
Բրիտանական Reuters լրատվական գործակալության փոխանցմամբ՝ Եգիպտոսի իշխանությունները կալանավորել են «Մուսուլման եղբայրներ» շարժման առաջնորդներից Ասամ ալ-Արիանին: Այս մասին գորածակալությանը հայտնել է Եգիպտոսի ՆԳՆ-ում եղած աղբյուրը:
Վերջինս հայտնել է, որ ալ-Արիանի կալանավորման մանրամասները հանրությանը կներկայացվեն մոտ ժամանակներս: Ասամ ալ-Արիանը հանդիսանում է «Մուսուլման եղբայրներ» շարժման քաղաքական թև հանդիսացող «Ազատություն ու արդարություն» կուսակցության փոխնախագահը:
Վերջին ամիսներին նա հանդիսացել է Եգիպտոսում իսլամականների անցկացրած բողոքի ակցիաների գլխավոր գաղափարախոսներից մեկը: Մինչ վերջերս նա մնացել էր «Մուսուլման եղբայրներ» շարժման այն փոքրաթիվ առաջնորդներից մեկը, ով մնացել էր ազատության մեջ:
2013 թվականի սեպտեմբերի 23-ին դատարանի որոշմամբ Եգիպտոսում արգելվել է «Մուսուլման եղբյարներ» շարժման յուրաքանչյուր գործունեություն:
