Յուրա Մովսիսյանը վնասվածք է ստացել
Հայաստանի ազգային հավաքականի և Մոսկվայի «Սպարտակի» հարձակվող Յուրա Մովսիսյանն այսօր` հոկտեմբերի 29-ին վնասվածք է ստացել թիմի մարզման ժամանակ:
Ինչպես հայտնում է Ռուսաստանի իննակի չեմպիոնների պաշտոնական կայքը, Հայաստանի հավաքականի հարձակվողը վնասել է ոտնաթաթը:
Մովսիսյանը չի կարող մասնակցել երկրի Գավաթի խաղարկության 1/16 եզրափակչի` Յարոսլավի «Շիննիկի» դեմ խաղին (հոկտեմբերի 30), ինչպես նաև հարցականի տակ է նրա մասնակցությունը Ռուսաստանի Պրեմիեր լիգայի 15-րդ տուրի`«Լոկոմոտիվի» դեմ խաղում:
Նշվում է, որ մոտ ժամանակներս հայ հարձակվողը բժշկական հետազոտություն կանցնի, ինչից հետո պարզ կդառնան վնասվածքի վերջնական ախտորոշումն ու վերականգնման ժամկետները:
