Վրաստանը նույնպես կարձագանքի Սև ծովում ռուսական ռմբակոծիչների թռիչքներին. Փանջիկիձե
Грузия Online-ի փոխանցմամբ՝ Վրաստանի փոխարտգործնախարար Մայա Փանջիկիձեն հայտարարել է, որ Վրաստանը նույնպես արձագանքում է Սև ծովի ջրատարածությունում չեզոք ջրերի վրա ռուսական ռմբակոծիչների թռիչքներին:
Փանջիկիձեն լրագրողների հետ զրույցում նման կերպ է մեկնաբանել Բուլղարիայի ու Ռումինիայի արտգործնախարարների համատեղ հայտարարությունը, որում նրանք մտահոգություն են հայտնել՝ կապված Սև ծովի չեզոք ջրերի վրայով ռուսական ռմբակոծիչների թռիչքների հետ:
Փանջիկիձեն հայտարարել է, որ այդ կապակցությամբ համապատասխան կերպ արձագանքելու են նաև իրենք և ընդունվելու են համապատասխան միջոցներ:
Հիշեցնենք, որ օրեր առաջ թուրքական կողմն ահազանգել էր, որ ռուսական IL-20 ինքնաթիռը Սև ծվում թուրք-վրացական սահմանից մինչև թուրք-բուլղարական սահման իրականացրել էր հետախուզական թռիչք:
