Իրանի ու ԱԷՄԳ-ի միջև բանակցությունների նոր փուլը Վիեննայում կանցկացվի այսօր
Ռուսական РИА Новости լրատվական գործակալության փոխանցմամբ՝ երկու կողմի բանագնացների թիմի կազմի փոփոխվելուց հետո Իրանի ու ԱԷՄԳ-ի միջև բանակցությունների առաջին փուլն անցկացվելու է այսօր: Նախ ԱԷՄԳ-ի շտաբ-բնակարանում տեղի է ունենալու ԱԷՄԳ-ի գլխավոր տնօրեն Յուկիա Ամանոյի և Իրանի փոխարտգործնախարար Աբբաս Արաղչիի հանդիպումը:
Այս մասին հայտնել է ԱԷՄԳ-ի մամուլի ծառայությունը, որի հաղորդմամբ՝ այդ հանդիպումից հետո մեկնարկելու է սովորական ձևաչափով հանդիպումը: ԱԷՄԳ-ի պատվիրակությունն առաջին անգամ գլխավորում է կազմակերպության փոխտնօրեն Տերո Վարյորանտան, ով հոկտեմբերի 1-ին այդ պաշտոնում փոխարինել է Հերման Նակերտցին:
