Առևանգված թուրք օդաչուները շուտով ազատ կարձակվեն. Լիբանանի ՆԳՆ
Թուրքական Anadolu լրատվական գործակալության փոխանցմամբ՝ Լիբանանում առևանգված թուրք օդաչուները շուտով ազատ կարձակվեն: Այս մասին երեկ հայտարարել է Լիբանանի ներքին գործերի նախարար Մարվան Շարբելը: Վերջինս սակայն մանրամասներ չի ներկայացրել թուրք օդաչուների ազատ արձակման վերաբերյալ:
Türk Hava Yolları (Թուրքական ավիաուղիներ) ընկերության երկու օդաչուներ այս տարվա օգոստոսին անհայտ անձանց կողմից առևանգվել են Բեյրութում՝ ավտոբուսով հյուրանոց ուղևորվելիս: Նրանց առևանգման պատասխանատվությունն ստանձնել էր Zuwar Al Rida խմբավորումը:
