Ֆիլիպիններում գրանցվել է վերջին 23 տարվա ուժեղագույն երկրաշարժը. կա մոտ 100 զոհ (տեսանյութեր)
France-Presse լրատվական գործակալության փոխանցմամբ՝ Ֆիլիպիններում գրանցվել է վերջին 23 տարվա ուժեղագույն երկրաշարժը: Երկրի կենտրոնական հատվածում այսօր առավոտյան գրանցված այդ երկրաշարժի ուժգնությունը կազմել է 7.2 մագնիտուդ:
Երկրաշարժը չի հանգեցրել ցունամիի առաջացման: Ֆիլիպինների ոստիկանության հաղորդմամբ՝ երկրաշարժի հետևանքով զոհվել է 93 մարդ: Ավելի վաղ հաղորդվել էր 67 զոհի ու 164 վիրավորի մասին:
Երկրաշարժի էպիկենտրոնը գտնվել է Բոհոլ կղզու շրջանում: Երկրաշարժի հետևանքով փակվել է Բոհոլի ծովային նավահանգիստը:
