ՌԴ ոստիկանությունը ձերբակալել է Եգոր Շչերբակովի ենթադրյալ մարդասպանին
Ռուսական РИА Новости լրատվական գործակալության փոխանցմամբ՝ ոստիկանությունը ձերբակալել է 1982 թվականին ծնված Օրհան Զեյնալովին, որին կասկածում են մոսկովյան Բիրյուլևո շրջանում Եգոր Շչերբակովին սպանելու մեջ, ինչը սկիզբ էր դրել զանգվածային անկարգությունների:
Զեյնալովը ձերբակալվել է Մոսկվայի մարզի Կոլոմնա քաղաքում և ներկայումս իրավապահների կողմից բերվում է Մոսկվա: Նրա ձերբակալմանը մասնակցել են հատուկջոկատայինները:
Սրանից առաջ ռուսական կողմը հաղորդել էր, թե Ադրբեջանում հետախուզում է հայտարված Զեյնալովի նկատմամբ՝ կապված այդ երկրում նրա կատարած սպանության հետ, սակայն ադրբեջանական կողմը հերքել է դա:
