Ավտովթարներ Երևանում

Հոկտեմբերի 13-ին, ժամը 22.10-ին, Երևանի Ամիրյան և Զաքյան փողոցների խաչմերուկում իրար են բախվել «Կավասակի» մակնիշի մոտոցիկլետ և «Օպել Աստրա» մակնիշի ավտոմեքենա:

Վարորդները մարմնական վնասվածքներով տեղափոխվել են հիվանդանոց:

Կատարվում է քննություն:
Հոկտեմբերի 14-ին, ժամը 10.00-ի սահմաններում, «Ֆոլքսվագեն» մակնիշի ավտոմեքենայի վարորդը Երևանի Գարեգին Նժդեհի փողոցի թիվ 19 շենքի բակամիջյան ճանապարհին վրաերթի է ենթարկել 74-ամյա կնոջ, որը մարմնական վնասվածքներով տեղափոխվել է հիվանդանոց:

Կատարվում է քննություն:
Հոկտեմբերի 14-ին, ժամը 20.00-ի սահմաններում, Երևանի Տիգրան Մեծի պողոտայում թիվ 46 երթուղու միկրոավտոբուսի կտրուկ արգելակման հետևանքով 15-ամյա ուղևորուհին գլխով հարվածել է երկաթաձողին և մարմնական վնասվածքներով տեղափոխվել հիվանդանոց:

Կատարվում է քննություն:
Հոկտեմբերի 14-ին, ժամը 15.00-ի սահմաններում, անհայտ ավտոմեքենայի վարորդը Երևանի Գյուլբենկյան փողոցի թիվ 34/Ա շենքի բակում վրաերթի է ենթարկել 69-ամյա տղամարդու, որը մարմնական վնասվածքներով տեղափոխվել է հիվանդանոց:

Կատարվում է քննություն:
Հոկտեմբերի 13-ին, ժամը 21.00-ին, «Մերսեդես-Բենց» մակնիշի ավտոմեքենան Երևանի Իսակովի պողոտայում բախվել է «ՎԱԶ-2121» և «Օպել-Աստրա» մակնիշի ավտոմեքենաների:

Պատահարի հետևանքով «Մերսեդես-Բենց»-ի վարորդը և ուղևորը մարմնական վնասվածքներով տեղափոխվել են հիվանդանոց:

Կատարվում է քննություն:
Հոկտեմբերի 14-ին ոստիկանության ծառայողները պարզել են, որ սեպտեմբերի 15-ին, ժամը 17.00-ի սահմաններում, «Օպել Աստրա» մակնիշի ավտոմեքենայի վարորդը Երևանի Արցախի փողոցի թիվ 8 շենքի մոտ վրաերթի է ենթարկել 53-ամյա տղամարդու և նրան տեղափոխել հիվանդանոց:

Կատարվում է քննություն: