Ադրբեջանը մշակել է սեփական հրթիռային համալիր. APA
Ադրբեջանական APA լրատվական գործակալության փոխանցմամբ՝ ադրբեջանցի ինժեներները մշակել են ռեակտիվ կրակի կոմպակտ համակարգ: 15-փողանի ռեակտիվ կրակի համակարգը, որը կարելի է հեշտությամբ տեղափոխել տրանսպորտային յուրաքանչյուր միջոցով, կրակում է С-8 չղեկավարվող հրթիռներով, որոնց տրամաչափը կազմում է 80 միլիմետր:
Համակարգը նախատեսված է հակառակորդի մերձակա թիրախների խոցման համար: Բացի այդ, մշակվել է այդ համակարգի ևս մեկ վերափոխված տարբերակ, որն ունի ավելի քիչ քանակությամբ փողեր և կարող է տեղափոխվել ձեռքով: Դրա հետ կապված՝ Ադրբեջանում արտադրվելու է С-8 հրթիռի նոր տիպ: Նշվում է, որ С-8 հրթիռի խոցման հեռավորությունը կազմում է 3000 մետր:
