Ռուսաստանը գոհ է, որ Վրաստանը որոշել է մասնակցել Սոչիի օլիմպիական խաղերին
Ռուսական Интерфакс լրատվական գործակալության փոխանցմամբ՝ Ռուսաստանը գոհունակություն է հայտնել Սոչիի Օլիմպիական խաղերին մասնակցելու վերաբերյալ Վրաստանի կայացրած որոշման կապակցությամբ: Այս մասին հայտարարել է ԵԱՀԿ-ում Ռուսաստանի մշատական ներկայացուցիչ Անդրեյ Կելինը:
Վերջինիս խոսքերով՝ Ռուսաստանը հուսով է, որ Վրաստանը թույլ չի տա իր տարածքում խաղերի դեմ ուղղված գործունեություն. «Մենք գոհունակությամբ տեղեկացանք, որ Վրաստանը որոշել է մասնակցել Սոչիի օլիմպիական խաղերին: Հուսով ենք, որ Վրաստանի մարզիկները հանդես կգան սպորտի առաջիկա համաշխարհային տոնում»:
