«Ղարաբաղն արդեն իր դիրքորոշումն ասել է՝ անկախացել է»
«Ժողովուրդ» օրաթերթը գրում է. Սերժ Սարգսյանի մերձավոր հրապարակախոս Զորի Բալայանը նախօրեին բաց նամակ է գրել Ռուսաստանի Դաշնության նախագահ Վլադիմիր Պուտինին՝ առաջարկելով վերադառնալ Գյուլիստանի պայմանագրին, երբ Ղարաբաղն ընդգրկված էր Ռուսաստանի կազմում։ Ինչպե՞ս են վերաբերվում այս հարցին Արցախում։ ԼՂՀ վւսրչապետ Արա Հարությունյանը «Ժողովուրդի» հետ զրույցում ասել է, որ ամբողջությամբ չի ընթերցել նամակը. «Բայց ես կարող եմ մի բան ասել, որ ոչ ոք իրավունք չունի ժողովուրդի անունից խոսել, նա կարող Է իր անձնական կարծիքն ասել։ Ղարաբաղն արդեն իր դիրքորոշումն ասել Է, Ղարաբաղն անկախացել 1991թ., և ցանկացած այլ տեսակետ նշանակում է ընդամենը անձնական տեսակետ։ Մենք անկախության առումով մեր կարգավիճակը հստակեցրել ենք հանրաքվեով ու վերջ»։ Ի դեպ, Արցախի վարչապետը հիշեցրեց, որ ԼՂՀ իշխանությունները ժամանակին Զ. Բալայանին պարգևատրել են «Ոսկե արծիվ» շքանշանով և տվել Արցախի հերոսի կոչում։ Փաստորեն, այդքանից հետո նա առանց ամաչելու սակարկում է Արցախի անկախությունը։
Այս մասին ավելի մանրամասն կարդացեք «Ժողովուրդ» օրաթերթի այսօրվա: համարում
