ԿԲ խորհուրդը նիստ է անցկացրել
Կենտրոնական բանկի խորհուրդը հոկտեմբերի 1-ի նիստում, որը վարել է ԿԲ նախագահ Արթուր Ջավադյանը, սահմանել է «ՀՀ տարածքում գործող վարկային բյուրոներին տրամադրվող վարկային տեղեկատվության նվազագույն ցանկը», փոփոխություններ կատարել «ՀՀ տարածքում գործող բանկերի, վարկային կազմակերպությունների, օտարերկրյա բանկերի մասնաճյուղերի հաճախորդների վարկարժանության տեղեկատվական համակարգի՝ վարկային ռեգիստրի ստեղծման և վարկային ռեգիստրին ՀՀ տարածքում գործող բանկերի, վարկային կազմակերպությունների, օտարերկրյա բանկերի մասնաճյուղերի մասնակցության» կարգում:
Խորհուրդը վերաձևակերպել է «Դրամատուն» ՍՊԸ-ի գրավատնային գործունեության իրականացման լիցենզիան, և «ԱԼԵՔՍ-ԳՐԻԳ» ՍՊԸ-ի թիվ 11 մասնաճյուղին արտարժույթի առուվաճառք իրականացնելու լիցենզիա տրամադրել:
Խորհուրդը որոշել է հրապարակել 2013թ. առաջին կիսամյակի «ՀՀ ԿԲ ֆինանսական կայունության հաշվետվությունը»:
