Գերմանական էներգետիկ խոշորագույն կոնցեռնը համաձայնեցրել է 25 տարով ադրբեջանական գազ գնելու պայմանները
Deutsche Welle-ի փոխանցմամբ՝ գերմանական E.ON էներգետիկ խոշորագույն կոնցեռնը համաձայնեցրել է ադրբեջանական գազ գնելու պայմանները: Խոսքը գնում է 25 տարվա ընթացքում Ադրբեջանից 40 միլիարդ խորանարդ մետր գազ գնելու մասին: Այս մասին հայտարարել է գերմանական ընկերությունը:
Գազի մատակարարման գործընթացը մեկնարկելու է 2019 թվականից ոչ շուտ: Ընկերության մենեջեր Քրիստոֆեր Դելբրյուկը հայտարարել է, որ Ադրբեջանի հետ կնքած պայմանագիրը մի քանի տասնամյակի ընթացքում եվրոպական շուկաներում տիրող իրավիճակին համապատասխան պայմաններով գազով կապահովի Եվրոպային:
Մինչ այս E.ON-ն իր գազային կարինքերն ապահովում էր հիմնականում Ռուսաստանից, Նորվեգիայից, Գերմանիայից ու Նիդերլանդներից մատակարարումների հաշվին:
Հիշեցնենք, որ երեկ ադրբեջանական կողմը 25 տարով գազային համաձայնագիր է կնքել իտալական կողմի հետ:
