Սիրիական ընդդիմությունն անընդունելի է համարել քիմիական զենքի վերաբերյալ ռուսական առաջարկը

France-Presse լրատվական գործակալության փոխանցմամբ՝ սիրիական ընդդիմությունն անընդունելի է համարել քիմիական զենքը միջազգային վերահսկողության տակ դնելու վերաբերյալ Ռուսաստանի առաջարկը: Այդ մասին հայտարարել են ընդդիմության ներկայացուցիչները: Այդ առաջարկը երեկ Դամասկոսին արել է Ռուսաստանի արտգործնախարար Սերգեյ Լավրովը:

Ռուսաստանի փոխարտգործնախարար Գենադի Գատիլովն իր հերթին հայտարարել է, որ Սիրիայում առկա քիմիական զենքը միջազգային հսկողությանը հանձնելու շուրջ պայմանավորվածության գալը հնարավորություն է հակամարտության խաղաղ կարգավորման փնտրտուքի համար, ինչի համար անհրաժեշտ է բոլոր կողմերի քաղաքական կամքը: