Հասան Ռոուհանին հուսով է ընդլայնել Վրաստանի հետ համագործակցությունը
Իրանական Tasnimnews լրատվական գործակալության փոխանցմամբ՝ Իրանի նախագահ Հասան Ռոուհանին հուսով է ընդլայնել Վրաստանի հետ համագործակցությունը: Այս մասին նշված է Վրաստանի վարչապետ Բիձինա Իվանիշվիլիին նրա հասցեագրած նամակում.
«Ես հուսով եմ, որ հետագայում ավելի կընդլայնվեն ու կխորացվեն երկու երկրների միջև հարաբերությունները քաղաքական, սոցիալական ու մշակութային ոլորտներում»:
Իրանական լրատվամիջոցն ընդգծում է, որ Ռոուհանիի այս նամակը հանդիսանում է ավելի վաղ Իվանիշվիլիի հղած նամակի պատասխանը, որում Վրաստանի վարչապետը շնորհավորել է Ռոուհանիին՝ Իրանի նախագահի պաշտոնում ընտրվելու կապակցությամբ:
