Իրանի ԱԳՆ-ը հերքել է Բաշար Ասադի Թեհրան մեկնելու մասին տեղեկատվությունը
Թուրքական Dünya Bülteni լրատվական կենտրոնի փոխանցմամբ՝ իրանական կողմը հերքել է մի շարք ԶԼՄ-ների կողմից շրջանառության մեջ դրած այն տեղեկատվությունը, թե Սիրիայի նախագահ Բաշար Ասադը երեկ երեկոյան անակնկալ այցով մեկնել է Իրան:
Իրանական Press TV հեռուստաալիքի հաղորդմամբ՝ Իրանի ԱԳՆ-ի մամլո քարտուղար Աբբաս Արաղչին հայտարարել է, որ այդ տեղեկատվությունը չի համապատասխանում իրականությանը: Արաղչին տվյալ տեղեկատվությունը որակել է որպես «ծիծաղելի»:
