ՌԴ-ի հետ հարաբերությունները կարգավորելու Նինո Բուրջանաձեի ուղղվածությունը ցինիզմ է. Շալվա Նաթելաշվիլի
Վրացական «Ռեզոնանսի» թերթին տված հարցազրույցի ժամանակ Լեյբորիստական կուսակցության առաջնորդ, Վրաստանի նախագահի թեկնածու Շալվա Նաթելաշվիլին խստապես քննադատել է Վրաստանի խորհրդարանի նախկին նախագահ, «Դեմոկրատական շարժում-Միասնական Վրաստան» կուսակցության առաջնորդ Նինո Բուրջանաձեին.
«Ռուսաստանի հետ հարաբերությունները կարգավորելու Նինո Բուրջանաձեի ուղղվածությունը ցինիզմ է և ծաղր, քանի որ նա և Սաակաշվիլին են Վրաստանը վերավաճառել Ռուսաստանին: Հենց Բուրջանաձեն է 2006 թվականին ԱՊՀ հոբելյանական նիստում հանդես է եկել այնպիսի ելույթով, որին կնախանձեր անգամ Ռասմուսենը (ՆԱՏՕ-ի գլխավոր քարտուղա): Դրանից հետո նիստը տապալվեց, և սրվեցին Ռուսաստանի հետ հարաբերությունները»:
