Ուռեկիում ստուգում են խմելու ջրի որակը
Վրաստանի տարածքային զարգացման նախարարությունն ու Ջրամատակարարման միավորված ընկերությունը Ուռեկիի բնակիչներին եւ առողջարաններին կոչ են արել ստուգել խմելու ջրի որակը, հաղորդում է «Գրուզիա օնլայնը»:
Ջրամատակարար ընկերությունը պարզաբանել է, որ Ուռեկին չունի ջրամատակարարման միասնական ցանց, եւ տեղի բնակիչներն օգտվում են մասնավոր հորերից, որոնց ջուրը կարող է ջրհեղեղներից հետո աղտոտված լինել:
«Ջրհեղեներից հետո երեք օրվա ընթացքում Ուռեկիում գործել է ջրի որակի ստուգման շարժական լաբորատորիան: Եթե ջրի որակի հարցում կասկածներ առաջանան, ընեկությունը պատրաստ է կրկին ստուգում իրականացնել»,-նշել են ընկերությունից:
