Դոլարը իջավ մինչև 407 դրամ
Ամերիկյան դոլարի՝ նախորդ շաբաթվա ընթացքում արձանագրված արժեզրկումը շարունակվում է նաև ընթացիկ շաբաթվա առաջին օրը։ Այսօր՝ օգոստոսի 12-ին, «ՆԱՍԴԱՔ ՕԷՄԷՔՍ ԱՐՄԵՆԻԱ» դոլարի միջին փոխարժեքը կազմել է 407 դրամ։ Ուրբաթ օրվա համեմատ դոլարն արժեզրկվել է 0.06%-ով կամ 0.25 դրամով։ Բորսայում վաճառվել է ընդհանուր առմամբ 2 միլիոն 820 հազար դոլար։ Կանխիկ արտարժույթի շուկայում դոլարի առքի միջին գինը կազմում է 405.5 դրամ, վաճառքինը՝ 408.5 դրամ:
