Տիգրան Սարգսյանը գաղտնի հանդիպումներ է կազմակերպում. մամուլ
««Ժողովուրդի» լավատեղյակ աղբյուրները փոխանցում են, որ ՀՀ վարչապետ Տիգրան Սարգսյանը վերջին օրերին գաղտնի հանդիպումներ է ունենում իր մերձավոր շրջապատի հետ»,- գրում է «Ժողովուրդ» օրաթերթը և շարունակում.
«Մեր տեղեկություններով՝ հանդիպմանը մասնակցում են ՀՀ կառավարության աշխատակազմի ղեկավար-նախարար Վաչե Գաբրիելյանը, ՀՀ ֆինանսների նախարար Դավիթ Սարգսյանը և վարչապետի այլ սիրելիներ: Նրանք հանդիպում են հիմնականում երեկոյան ժամերին և ինչ-որ բաներ քննարկում: Թե ինչ, «Ժողովուրդին» առայժմ չհաջողվեց ճշտել:
Նշենք, որ այս իրավիճակը որոշակի անհանգստություն է առաջացրել որոշ ՀՀԿ-ականների շրջանում: Նույնիսկ տեսակետ կա, թե Տ. Սարգսյանն իր համար առանձին քաղաքական թիմ է պատրաստում՝ ապագա զարգացումներին «դիմագրավելու» համար»:
Ամբողջական հոդվածը կարող եք կարդալ «Ժողովուրդի» այսօրվա համարում:
